அன்பில் ஓர் உரையாடல் !

'எனக்காக ஒரு கவிதை சொல்வாயா ?'

என்றது கவிதை !

அவள் பெயரை உச்சரித்தேன்

என்னே அதிசயம்

நிலா

புன்னகைக்கிறதே .....

'எனக்காக ஒரு முறை பாடுவாயா ?'

இம்முறை நான்

'பாடத் தெரியாதே '

என்று பாடினாள்

அந்த பதினேழாம் ராகம் ......

காதல் !!

உறைந்து போன என் உயிரை கூட
உசிப்பி விட்டது உன் வாசம் ! - நான்
மறைந்து போகும் தருணம் கூட எனை
உயிர் பெறச்செய்யும் உன் சுவாசம் !!

காதல் வாழ்க !!

நெஞ்சுக்குள் பெய்திடும் மாமழை !!

மழை காலத்து காலை நேரம்
அலுவலக வாயில் ஓரம்

தேரிலே
வந்திறங்கினாள்
என் தேவதை !

தேரோட்டியாக
அவள் தந்தை !

அதுவரை இடைவிடாது
பெய்துவந்த அடைமழையும்
அவளுக்காக சிலகணம்
பணிந்து நின்றது !!

தேரிலிருந்து இறங்கியவள்
தூறலிலே நனைந்து
அலுவலகப் பணிமனைக்குள்
அடியெடுத்து செல்லும்வரை !

நான்காம் தளத்திலிருந்து
அவளையே கவனித்திருந்தேன்
கையில் தேநீர் குவளையுடன் !

மெல்லத் துள்ளியவள்
உள்ளே வந்தவுடன்
மீண்டும் அடைமழை !
இம்முறை
என் மனதிற்குள்ளும் தான் !!

குற்றவாளி !!

வழியில்
சட்டென்று போகையில் - உன்
விழியின்
ஓரப் பார்வையால் - எனை
ஒட்டுமொத்தமாக கொன்றுவிட்டாய் !
குற்றம் என் ஒன்று !
[ இ பி கோ 302 ]

அதே கணம்
இதயத்தை இடம் மாற்றி
போலி அறுவை சிகிச்சையும் செய்துவிட்டாய் !
குற்றம் என் இரண்டு !!
[ இ பி கோ 419 ]

இவ்விரு குற்றங்களுக்காக
உன்மேல் புகார் கொடுக்க
அருகில் வந்து
பெயரை கேட்டேன் .....

ஆறுமாத சிறை தண்டனையில்
பெண்களை கேலி செய்த குற்றத்திற்காக
நான் !
[ இ பி கோ 298 ]

சரித்திரம் !

என்
சுயசரிதையை எழுத
நான் முடிவு செய்து விட்டேன் !
அதற்கு பொருத்தமான பெயரை
இருபத்தி நான்கு ஆண்டுகளில்
கண்டு பிடித்து விட்டேன் !
" ஒரு தரித்திரத்தின் சரித்திரம் ! "

பின் குறிப்பு : இப்பெயருக்கு காப்புரிமை பெறப்பட்டுள்ளது.
அனுமதியின்றி பயன்படுத்துவோர் [ குறிப்பாக தமிழ் படங்களுக்கு
பெயர் தேடுவோர் ] சட்ட நடவடிக்கைகளுக்கு உள்ளாக்கப்படுவர் .

சி(ற)வந்த பாடம் !

நான்
வீழ்ச்சியுறும் போதெல்லாம்
என் இரத்தம் - எனக்கு
குத்தி காட்டியது ...
'நம்பிக்கையோடு இரு ' - ஆம்
B Positive !!

ஓமணப் பெண்ணே !

அது
இறைவனின் பூமி யென்றால்
அவள்
தேவதை யென்றால்
நான்
மோட்சமடைவது எப்போது !!

கவிஞன்

பொய்யை மெய்யாக்குபவன் !!
உண்மையை உயிராக்குபவன் !!

ஆஸ்கர்

பிரம்மனுக்கும் ஓர்ஆஸ்கர் கிடைத்தது !

அழகிய ஓவியமாய் உன்னை படைத்ததற்கு !!